CP值高牛扒 平民化鐵板體驗 【Cow Bean】

Cow Bean一共有4間分店，分別係荃灣廣場、將軍澳、黃埔及太古，而小編今次就去左荃灣分店。佢哋主要售賣牛扒及鐵板餐，無肉不歡、食肉獸或者中意食牛嘅你哋就唔好錯過喇！

鐵板牛扒主要分為西冷及肉眼兩款，而來源地分為澳洲、紐西蘭及美國，另外仲會細分200g 和 300g，佢哋仲會不定期推出唔同種類或來源地嘅牛添。等小編為大家逐一介紹佢地嘅分別啦。

澳洲、紐西蘭主要為【草飼牛】，佢哋自由活動空間較多，因此肉質較為精瘦紮實，脂肪量較少，而青草中的胡蘿蔔素會令油脂呈現淡黃色。­

 

美國主要為【穀飼牛】，佢哋活動空間比較小，所以油脂含量亦會增加，油花分布相對更為均勻同飽滿，肉質會更為鮮美軟嫩多汁。

 

西冷牛扒

西冷是牛的腰脊部分，肉質細嫩有彈性，肉味最濃。

 

肉眼牛扒

肉眼是牛胸背脊與肋骨之間的肌肉，脂肪豐富，肉質較幼滑，而且較多汁。

 

 

Cow bean 會為客人將牛扒煎至三至四成熟，然後放於鐵板上，比客人自行決定生熟程度。客人進食前先將牛扒切好，再淋上醬汁，醬汁選擇有黑椒汁﹑蒜蓉汁及燒汁。客人仲可以揀套餐A（$36）或B（$49），A餐可額外加配飯或意粉、日式温泉蛋、野菜沙律或廚師精選湯、飲品，而B餐可額外加配飯、意粉或薯條、日式温泉蛋或和牛肉醬或韓式泡菜、煙三文魚沙律或龍蝦湯、飲品。

 

小編今次就揀左澳洲肉眼300g 跟蒜蓉汁，配芝士薯條、 飲品及龍蝦湯，牛扒生熟程度剛好，多汁幼滑，薯條脆身，芝士醬多，龍蝦湯味道都幾濃，而飲品就㨂左期間限定嘅柚子檸檬蛋白梳打及紅柚荔枝膠原蛋白梳打，甜品適中，裏面仲有啫喱，增加飲品中嘅口感。

 

人流方面，小編去果陣就唔洗等位，但佢哋時不時都會人流多，要排一排隊嘅，所以就可能要睇你食野日子、時間同你彩數喇。

 

資料來源：https://www.facebook.com/juststeakbycowbean

地址：

荃灣大壩街4-30號荃灣廣場1樓128-130號舖

將軍澳常寧路2號TKO Gateway東翼1樓140-141號舖

太古康山道1-2號康怡廣場南座AEON 3樓L301號舖

紅磡黃埔天地第5及6期地庫AEON Style B03號舖