香港首創・用心研發的精緻雪糕【Sweet Craft】
Sweet Craft 係一間甜品及飲品店，主要售賣自家製無添加甜品及飲品，裝修設計簡約，空間闊落，尚算舒適。
Sweet Craft 的食品以手作為主，自家研發，將裝飾及藝術隔入食品中，從而製作出精緻細膩既食品。店內產品主要分為五大類，分別是粉雪冰、軟雪糕、鮮奶茶、沙冰奶及氣冰茶，雖然口味唔多，但佢地都會定期出新口味或期間限定口味，帶番啲新鮮感比大家。
小編今次就叫左綠茶雪花軟雪糕、焦糖海鹽粉雪冰以及果蜜白桃粉雪冰。
綠茶雪花軟雪糕
頂層： 綠茶雪糕
底層： 炒米、穀物、果乾
一杯平平無奇嘅綠茶雪糕都製作出吸引既樣就知佢有幾著重食品嘅外型，雪糕軟滑，甜度適中，綠茶同鮮奶比例岩岩好，入口有陣陣綠茶味之餘仲有淡淡奶味，綠茶味唔會因過重而有苦澀味，或者奶味過重而覆蓋茶味。將雪糕混合底層的炒米、穀物及果乾一齊食，口感會更豐盛，香氣更佳。
焦糖海鹽粉雪冰
頂層： 海鹽芝士奶蓋忌廉、焦糖脆脆、焦糖爆谷
中層： 牛奶粉雪冰食、焦糖醬
- 廣告-
咖啡愛好者注意！100%原印尼咖啡『伯迪咖啡』讓你每天早上飲完全日好心情
底層： 焦糖布丁
焦糖海鹽粉雪冰頂層以海鹽芝士奶蓋忌廉、焦糖脆脆同焦糖爆谷作為製飾，焦糖脆脆略為甜，建議配合中間層嘅牛奶粉雪冰食。唔好以為食左表面，牛奶冰就會淡而無味，原本牛奶冰已帶有淡淡牛奶香，再配合中間嘅焦糖醬，味道更香濃，而最底更有焦糖布丁豐富口感同層次。
果蜜白桃粉雪冰
頂層： 海白桃果肉、白桃乾、芝士奶蓋
中層： 牛奶粉雪冰食、桃味糖漿
底層： 桃味布丁
果蜜白桃粉雪冰口味就較為清新，白桃表層係大大粒新鮮白桃果肉、白桃乾以及芝士奶蓋。新鮮白桃非常清甜，白桃乾口感爽脆，有少少酸，中間層同樣係牛奶冰，以及桃味糖漿，下層係桃味布丁。
芝麻味雪糕都好受歡迎嫁，經過黃埔既你不仿一試。
地址
紅磡黃埔天地百寶坊(第3期)地下G33號舖
資料來源：
https://www.facebook.com/sweetcrafthkg/?ref=page_internal
