墨魚汁扁意粉伴蟹籽

墨魚汁較為結身，但每條麵都沾滿墨魚汁，就連魷魚圈同菇都沾滿醬汁。餐廳係意粉上加上蟹籽同少量忌廉芝士，視覺上睇落更豐富，更吸引。味道方面，佢有種獨特嘅鮮味，鹹鹹香香咁，雖然會食到成口污糟晒，但係值得嘅。

鮮忌廉黑松露烤雞扁意粉

鮮忌廉黑松露烤雞扁意粉醬汁多，每條意粉都被醬汁包住，餐廳嘅鮮忌廉黑松露醬汁較重奶味同忌廉味，食落帶有淡淡黑松露嘅香，黑松露味唔重，而烤雞就偏乾身，食落幾香，但同意粉有點兒唔太夾。

糯米窩夫配自家製牛奶雪條

窩夫由糯米製作，外皮脆身，食落比出面食開嘅更有煙韌口感，，有小小食麻薯嘅感覺，味道就以糯米味為主，比平時食開嘅無咁重蛋味。窩夫上有少量雜莓醬，莓味香，酸酸的，幾開胃。中間嘅Cream甜甜的，同窩夫好夾，佢並唔係由淡忌廉Hea整，得果樣果啲嚟嫁。另外仲有超香濃奶味嘅牛奶雪條。窩夫味道較淡，所以小編就建議切開雪條平均放係窩夫上，再配合中間Cream嚟食，令味道層次增加，口感更豐富。

抹茶拿鐵

抹茶拿鐵奶味較重，但佢哋都同普遍嘅凍抹茶拿鐵一樣，由於抺茶粉未完全隔晒，所以有抺茶粒以及抺茶味無咁濃烈。

雞蛋布甸配 House Espresso

震騰騰嘅雞蛋布甸上有Cream流落，令佢視覺上更靚，更有動感。雞蛋布甸入口滑溜，有啲即融嘅感覺，蛋味超香濃，帶有點點焦糖嘅甘甜味，再配合焦糖醬，甜度適中。當加入Espresso後，雞蛋布甸味道層次再增加，咖啡中和焦糖醬嘅甜，微甜中帶有一點咖啡嘅甘香，不過如果你怕咖啡店嘅甘，小編就建議你先加入少少咖啡嘗嘗先，再慢慢加入。