最新最潮 一站式搵食平台

牛魔王之選 高質日式石板燒牛—岩盤牛扒

0 174

牛魔王之選 高質日式石板燒牛—岩盤牛扒

石板牛都興左好耐,今次小編介紹嘅係有六間分店嘅岩盤牛扒,分店分別係大角咀、大埔、新蒲崗、將軍澳、天水圍以及荃灣。岩盤牛扒係一間半自助式嘅餐廳,客人先係門口排隊,當有客人離開或有空位方可入座,客人可選擇使用自助點餐機或去櫃檯人手點餐,而用膳後客人要自行清理乾淨,將用餐物品放回托盤收集架。

呢間店舖嘅收費係以g計算,餐牌上會列出200g 300g 400g 嘅價格,餐廳會按客人嘅要求大約切出牛嘅份量,再磅牛嘅重量而作出最後的收費,所以會有一點點價格的差距。客人可因應自己食量而決定食幾多,唔會浪費。牛扒會附有一樣配料,客人可以揀青葱、生洋菜或蒜蓉,份量非常之多,所以離遠都可以聞到洋葱或者蒜嘅香味。另外,客人可以自行選擇加唔加30元轉套餐,套餐可以九選三,其中三款係再要額外加錢,分別有白飯、味噌湯、沙律、温泉蛋、雪糕、飲品、波子汽水、生啤同紅/白酒,飲品選擇都幾多嫁,仲有Asahi 出嘅烏龍茶添。

小編今次就試左佢比較特別嘅後腰三角肉同封門柳,後腰三角肉比較慢熟,想對油脂唔多,同比較腍啲,而封門柳比較易熟,所以放係鐵板上好快就變Well Done了,不過佢肉味相對出啲,牛味重啲。 因為牛扒下只有少量粟米,所以牛扒長期掂住石板上,好易有過熟嘅情況出現中。如果你食野食得慢的話,小編會建議大家要求用碟上,令你食得唔會好趕,避免牛會變全熟啲情況出現。佢地嘅味噌湯入只有海帶,唔係話好特別。蘋果汁味道不錯,唔會好甜,唔係平日飲嗰啲膠糖味。佢嘅雪糕小編未係市面上見過有售賣,今次就係綠茶味,佢係比較少見嘅綠茶味重過牛奶味,不過如果小朋友食,就可能唔會太岩食,質感上都係滑身嘅。

 

岩盤牛扒 ミディアムレア ステーキ (博文街) Medium Rare Steak


- 廣告-
咖啡愛好者注意!100%原印尼咖啡『伯迪咖啡』讓你每天早上飲完全日好心情

大角咀博文街11號富貴大廈西座地下17號舖

大埔翠怡街3號翠怡花園C座地下18A舖

新蒲崗太子道東638號Mikiki LG樓9-10號舖

天水圍天華路33號T Town南翼地下SG14& SG15號舖

荃灣西樓角路1-17號新領域廣場1樓102號舖

將軍澳唐德街9號將軍澳中心1樓173號舖
0
    0
    Your Cart
    Your cart is emptyReturn to Shop