日本PABLO同7-Eleven破天荒合作！必試香港限定3大芝味甜品
相信大部分去過日本既人都會試過PABLO佢嘅芝士撻，其實佢既芝士撻同蛋糕人氣度爆登，更係大阪嘅手信名物。不過而家想食唔駛飛日本啦，去7-Eleven就食到！PABLO最近同7-Eleven旗下品牌 7-SIGNATURE攜手合作，由日本直送3款香港限定口味嘅全新芝士甜品，甜品迷必試。
PABLO為香港人炮製嘅並非招牌原味芝士撻，而係用佢嘅秘製忌廉芝士為靈感，推出期間限定PABLO 忌廉芝士味新地！仲有加入杏脯嘅芝士忌廉泡芙同瑞士卷！到底可以有幾好味？
PABLO 忌廉芝士味新地($15)
唔知有無人同我一樣最鍾意冬天食雪糕，涼浸浸歎雪糕別有一番風味！新出嘅忌廉芝士味新地，雪糕以PABLO正宗忌廉芝士調製，質感超幼滑，充滿濃濃芝士香，配埋脆卜卜嘅窩夫新地筒，口感無得彈，「哦依shi」㗎呢！不過要留意佢係即日起喺指定70多間7-Eleven分店*發售，想試記得睇清楚邊間先買到喇！
- 廣告-
咖啡愛好者注意！100%原印尼咖啡『伯迪咖啡』讓你每天早上飲完全日好心情
*PABLO 忌廉芝士味新地銷售分店地址：http://bit.ly/35nuK3X
【日本直送】7-SIGNATURE x PABLO 杏脯啫喱 芝士忌廉泡芙($15)
小編本身就唔鍾意食泡芙，但呢粒芝士忌廉味嘅泡芙非常足料，，配搭酸酸甜甜嘅杏脯醬，完美平衡兩種不同味道，就算唔鍾意食泡芙既我都忍唔住一粒接住一粒咁食。
【日本直送】7-SIGNATURE x PABLO 杏脯啫喱 芝士忌廉瑞士卷($15)
有無諗過原來瑞士卷同芝士係咁夾既，PABLO芝士忌廉同杏桃果醬整成嘅瑞士卷，香得黎又唔會太甜！岩哂唔太鍾意食甜野既人，最有趣嘅係芝士忌廉上放有杏脯啫喱，神還原PABLO招牌芝士撻外型，而且同泡芙一樣酸酸甜甜，超開胃！
三款甜品都只售$15，CP值超級高！買嚟做下午茶甜品獎勵自己！
除咗呢兩款PABLO甜品，7-Eleven仲推出多款新口味小食：
7-SIGNATURE 香辣肉醬腸仔熱捲餅（$18）、7-SIGNATURE 芝士火腿熱捲餅（$18）
口感軟潤的墨西哥式捲餅皮包裹著腸仔及地道的墨西哥風味肉醬，再加芝士絲及香濃車打芝士醬，味道香辣惹味，口感豐富。而 芝士火腿熱捲餅就係捲餅皮配上火腿片、德國車打芝士及 芝士絲，再加入香滑卡邦尼忌廉汁，芝味香氣十足。只需剪開包裝一角，放入微波爐叮一叮，即可享用暖笠笠的熱捲餅。
7-SIGNATURE 孜然鴨翼槌 （$20）
選用鴨肉，加入孜然調味，肉質嫩滑，味道微辣惹味。
7-SIGNATURE 菌菇三鮮蒸餃（$16）
使用優質豬肉及上等菌菇，口感爽滑，配上煙軔彈牙的餃子皮，鮮甜滋味一試難忘。
