抹茶控必到 元朗隱世日本風甜點店
旮旯係一間家庭式經營嘅日本風輕食小店,主要售賣咖啡、飲品、甜點及小量鹹食,目的係為客人提供一個喘息嘅小空間。抹茶控必到嘅原因梗係佢有好多唔同款嘅抹茶產品啦,佢地分別有抹茶味嘅葛餅、麥糍、茶餅同卷蛋,咁當然佢地都會有抹茶鮮奶啦。
小編因為無預訂去買,所以就只係品嘗到抹茶葛餅,黑芝麻同抹茶味嘅麥糍。
抹茶葛餅
抹茶葛餅
我猜你還喜歡...
抹茶葛餅由葛粉製作,外形好似厥餅,帶有滿滿嘅抺茶香味,入口輕盈,軟綿綿、滑溜的感覺,而咬落就有少煙韌感。葛餅其實無乜味,佢味道重要都係來自外面嘅抹茶粉,不過佢個醬先係重點,黑糖配合煉奶令整體味道提升不少,黑糖同煉奶平衡抹茶嘅甘味,甜甜香香,甜而不膩,令味道更豐富。
雙拼麥糍〖抹茶+黑芝麻〗
麥糍係麻糬外皮包住麥提莎,黑芝麻味香,咬落有淡淡黑芝麻,同麥提莎比較夾。抹茶味香,入口較甘,但咬落麥提莎會中和番抹茶嘅甘。黑芝麻比抹茶淡,所以小編就建議先食黑芝麻味。
兩款甜品比較,小編就會中意葛餅多啲,醬汁比到驚喜,而麥糍就比較普通,有少許似食淨食麥提莎的感覺。不過佢哋用心製作,家庭式經營,所以每日產量都唔會好多,如果係特登去食嘅你,我就建議你早啲去或者先係Facebook Inbox預訂先喇!
資料來源: https://www.facebook.com/theglockhk