最新最潮 一站式搵食平台

延續怪奇玩嘢菜式 新店優惠送鮑魚·免費升級鰻魚

0 144

延續怪奇玩嘢菜式 新店優惠送鮑魚·免費升級鰻魚

「嘛嘛地啦」係好多人嘅口頭禪,今次Mamaday老闆之一everyday唔再只係「嘛嘛地」,而係有Goodday Badday啦。作為 Mamaday 兄妹店,Goodday Badday 依然延續怪奇風格,「唔好抱咁大期望蒲燒鰻魚蛋包飯」、「白飯魚奶醬多咁嘅味嘅意大利扁麵」……啲菜名真係長到要講句「麻卵飯」,唔係粗口呀,都係菜名嚟㗎(笑)。


- 廣告-
咖啡愛好者注意!100%原印尼咖啡『伯迪咖啡』讓你每天早上飲完全日好心情

Goodday Badday樓高兩層,環境同菜式繼續怪奇風格。店內充滿玩味氣氛,座位寬敞。

Goodday Badday充滿創意幽默感,全店放滿玩味畫作、模型,甚至連餐枱都係老闆親自將舊式木枱,加入玩具小物重塑,每張枱都唔同㗎,環保又有驚喜。

唔好抱咁大期望蒲燒鰻魚蛋包飯
真心,唔好理佢個名呀~真係值得抱有期望㗎!呢個鰻魚飯喺Mamaday已經係招牌菜,而家仲可以免費升級原條,CP值勁高。

而且條鰻魚係即場烤焗,魚皮Q彈、魚邊焦脆,魚肉仲好甜香彈牙~撈埋日本滑蛋、煲仔飯豉油真係勁開胃,一般「翻叮」鰻魚真係難以相比。

醉鮑魚遇上黑松冷感面
夏天食個冷麵真係好爽,黑松露冷麵清爽得嚟,仲香得好有層次。鮑魚更加用梅酒浸12小時,輕甜酒香入晒味!

Lorem 【新店優惠】海鮮拼盤$398連白酒2杯
新店開業推出限定菜式,海鮮拼盤有波士頓龍蝦、日本蠔、日本磯煮鮑魚、新西蘭凍蝦、新西蘭青口,咁豐富只係$398仲送2杯白酒。

【午市優惠】軟殼蟹牛油果意大利飯
午市4人同行、1人免費勁抵食,當中最人氣係「軟殼蟹牛油果意大利飯」,喺附近返工嘅話一定要把握優惠呀。

白飯魚奶醬多咁嘅味嘅意大利扁麵

兩啖一條嘅炸魚仔真係好過癮,炸漿加咗啤酒,利用天然原理令炸層更鬆化香脆~

不過最有驚喜係個意粉醬,點估到奶醬多個醬同意粉係咁夾,無睇錯呀~真係奶醬多+意粉呀!仲會食到花生粒粒𠻹。

古法烤黑毛豬 (西班牙豪華豚)
呢個豪華豚真係堅豪華,係用西班牙穀飼黑毛豬,以天然橡果飼養,高質到生食都得!店家就推薦9成熟,肉質最鬆軟又爆肉汁。記住食埋隔籬嘅炸蝦片,即叫即炸勁脆唔硬。

麻卵飯

文初提到嘅「麻卵飯」,真身係黑魚子醬意大利飯。魚子醬鋪到勁滿,差唔多每啖都食到粒粒卜開嘅魚子呀。

意大利飯係用牛油四川麻辣醬煮製,少辣重麻香,顛覆一般意大利飯都係忌廉、番茄嘅刻板印象。食食吓發現仲有粒粒帶子,鮮甜味更有層次。

4款創作比薩

呢度嘅pizza批底都係自家製,配料都幾意想唔到~特別係豆豉鯪魚,原來同pizza係咁夾㗎!仲有馬糞海膽都係一大亮點。

豆豉鯪魚比薩
店家創作試味期間,偶然發現嘅超夾配料!豆豉鯪魚魚邊輕脆,獨特鹹香撞埋芝士有驚喜。上面仲鋪滿油麥菜,根本就係中式料理x比薩fusion料理呀。

渾身是海膽虎蝦比薩

pizza灑上濃郁芝士焗6分鐘後,再鋪上刺身級虎蝦+馬糞海膽火炙,海膽仲係好軟綿鮮甜,勁正。

 

黑過墨汁三文魚比薩
同樣用上刺身級嘅三文魚,令三文魚食落軟嫩又多魚油。批底係自家以墨汁+芝士焗製,特別鹹香。

直豎拇指牛小排比薩

牛小排好重牛味,一食就知係高質牛。可能因為新鮮出爐,牛肉食落更有種烤肉嘅油香。

自家製甜品
呢度多款甜品都係自家手製,所以每日數量唔多,想食就要快手喇~

 

朱古力焦糖香蕉Creffon

多層蛋糕以焦糖布甸、朱古力千層蛋糕、朱古力ganache、朱古力戚風蛋糕、朱古力鮮奶油ganache、焦糖香蕉片組成,所以口感好豐富。

 

芒果布甸乳酪Creffon
芒果口味同樣以乳酪忌廉、芒果布甸、千層蛋糕、戚風蛋糕、鮮芒果粒一層一層疊起。芒果好鮮甜解渴,啱晒夏天食。

 

 

茫茫人海遇見你嘅途中夾雜住又酸又甜
芒果+青檸口味輕甜微酸。

軟綿焦糖雪葩

焦頭爛額咁頻撲咗一日,試下俾返少少糖自己先啦喂

軟綿焦糖雪葩,加埋硬脆餅底一齊食,有雙重口感衝撃。

玩味雞尾酒
呢度有好多創作Cocktail,全部都好IGable。

估你唔到
正如其名,你真係估佢唔到係咩味。呢杯係期間限定,用咗竹炭、椰子、橙味酒調配㗎~親身嚟試吓有幾估佢唔到啦。

紫蘇梅子姑娘
紫蘇葉嘅獨特香味,加埋偏甜嘅梅酒,酸酸甜甜好清新。

一起森巴舞
有Gin、湯力水、熱情果汁,酒味唔濃,女仔都會好鍾意。

Blue Lagoon
夢幻藍調,係以藍橙酒、Vodka、七喜調製。

Love Struck Strawberries
顏色味道都好似明治朱古力咁,充滿少女心。內裡有Bailey’s、士多啤梨奶。

關於 Goodday Badday

Goodday Badday樓高兩層,環境同菜式繼續怪奇風格。

Goodday Badday充滿創意幽默感,全店放滿玩味畫作、模型,甚至連餐枱都係老闆親自將舊式木枱,加入玩具小物重塑,每張枱都唔同㗎,環保又有驚喜。

 

GoodDay BadDay

地址: 尖沙咀加連威老道27-27A號嘉榮大廈地下及1樓

電話: 94241449

網址: https://s.openrice.com/QrbS0icWB00~dYKKSilyW

 

 

 

 

0
    0
    Your Cart
    Your cart is emptyReturn to Shop