在花海中與你相聚 【走過十萬八千里找到你】
走過十萬八千里找到你係近排大熱嘅打卡Cafe，店名帶有點點浪漫，小編當然去朝聖一下，Cafe 地方唔大，私隱度較低，枱距離較為接近，但環境佈置以乾花為主，仿如置身於花海中，充滿少女氣息，當有陽光透射入嚟都頗有詩意。堂食餐牌以大路Cafe食物為主，西式、日式、台式都有，味道水準不俗，價格合理。
另外，佢地為左防疫，依家仲不定期推出唔同嘅外賣餐單，同唔同地區既外送服務，佢哋會訂立係指定日子、時間送到指定地方，大家可以上佢既Facebook留意一下喇。
黑松露．炸薯條
薯條即叫即炸，又熱又脆身，同黑松路醬夾，味道唔錯，但唔太出眾
我猜你還喜歡...
- 廣告-
咖啡愛好者注意！100%原印尼咖啡『伯迪咖啡』讓你每天早上飲完全日好心情
炸廣島蠔．牛肝菌．雜菌．起司 （義大利燉）
牛肝菌味道香濃，配合奶油，飯變得Creamy，飯略為硬。蠔生熟程度控制好，唔會太熟，外層香脆。
明太子．岩鹽燒蟹棒．鮭魚籽．貓耳朵
明太子口感卜卜脆，煙韌貓耳朵意粉撈住濃郁明太子醬汁，口感豐富，而鮭魚籽為意粉帶來不少鮮味。
鮮奶抺茶
拉花靚，抺茶味比牛奶重，份量足夠
店舖位置空間有限，建議先訂座。如果大家係屋企附近啲外賣食到悶，不仿留意一下佢地既外送服務喇。
地址： 旺角彌敦道575號Ladder Dundas10樓
資料來源： https://www.facebook.com/SomeDayOrOneDayCafe
