台灣龍過江惹味炸物 即叫即炸 【巷口炸雞】
巷口炸雞現時只有兩間分店，分別係天水圍同屯門。佢哋首間店係台中北屯區，95%材料由台灣直送，保證有台灣風味。巷口炸雞有售賣炸雞、薯條同魷魚呢啲比較普通嘅炸物，唔好睇佢普普通通呀，佢地有分唔同嘅口味，如原味、醬蒜同椒鹽，非常惹味。另外，仲有售賣一啲台灣特色食物，例如花枝Q丸、地瓜球、米血同甜不辣等等，選擇都幾多。
因為太好味，所以小編食過好多次，仲試左好多唔同款嘅炸物。
原味炸雞
香港好多店舖都係炸定先，當客人點餐再進行翻炸，所以雞會較乾，肉質較為粗糙。但巷口炸雞就唔同喇，佢係由生雞炸到變熟雞，所以食落肉質較為嫩滑，皮脆多汁，調味粉充足，而且一啲都唔油膩，就算放涼左都唔怕。
骰子百頁
骰子百頁較為空氣感，味道重要係來自調味粉，如果喜歡清清地嘅不妨一試
醬蒜炸雞
醬蒜炸雞係原味炸雞上加上蒜味醬汁同蒜片，令口味更重，更香，非常惹味，不過放耐左就會變淋
醬燒米血
食過米血糕嘅大家都應該知道佢原本係無乜味，而呢到嘅米血都唔例外，味道就要來自外面嘅調味粉，口感煙韌
醬蒜魷魚
醬蒜魷魚有分大份都細份，如果中意食魷魚嘅你小編就會建議你叫大喇。魷魚口感爽口彈牙，並唔係出面食到部份店舖咁又軟又散，食得出佢係新鮮製造。
- 廣告-
咖啡愛好者注意！100%原印尼咖啡『伯迪咖啡』讓你每天早上飲完全日好心情
花枝Q丸
花枝丸係較為難入味嘅食物，所以佢嘅調味都係來自外面嘅調味粉，調味粉份量岩岩好，唔會覆蓋花枝丸原有味道，外脆內軟。
醬蒜薯條
醬蒜薯條係用粗薯條，如果加上醬汁，最好當然即買即食，因為醬汁會令薯條變軟，但佢並唔會因為軟左而變得難食，所以小編就覺得軟左都無乜所謂，因為佢好好味，醬汁、蒜片同薯條非常夾。
香Q地瓜球
一份有十粒嘅地瓜球，乾身，一啲都唔油膩，甜甜的，細細粒，可愛又好味
椒鹽杏鮑菇
外脆內軟，唔乾身，仲有汁，菇味香濃，不過椒鹽味就只係外皮先有喇
芝味一口牛（8顆）
芝味一口牛並唔係好似出面咁，粒大芝士係中間，做到有少許芝心效果，而係牛粒中有數粒細形芝士，牛味重，帶有點點芝士嘅味道。
佢地即叫即炸，香氣非常吸引，而部份食品份量都會用重量量度，用磅量度完再加粉同醬汁。炸物當然最好就趁熱食，不過佢地既炸物都唔會油膩，所以住得近嘅拎番去食都可以嘅，不過佢哋依家只係新界西有分店，所以如果想試就要入新界西先試到喇！
地址：
天水圍天華路30號T Town South 地下SG21號舖
屯門屯順街1號屯門市廣場一期UG樓UG10號舖
資料來源：
