傳統印度菜 地中海異國風情 華麗裝潢—CARAT
西餐、日本菜、韓國菜、泰國菜呢啲大家就食得多喇，印度菜大家又有無食過呢？ 今次小編就去左一間裝修華麗、闊落嘅傳統印度菜餐廳，佢嘅裝修一啲都唔差得過出面啲西餐嫁。Carat係位於尖沙咀寶勒巷商業大廈嘅上面，佢仲有間分店係中環得己立街，裝修以舒服務之主，店內帶有點印度民族色彩，仲設有戶外位置以及吧枱位置，可以Chill下打卡。
介紹菜式：
Samosa Chaat 秘製乳酪醬咖喱薯角配羅望子酸甜醬及薄荷醬
CARAT Butter Chicken 馳名牛油蕃茄咖喱雞
Butter Naan 牛油烤餅
Spaghetti Tortellini Pasta 意大利菠菜芝士雲吞雜菌忌廉汁
Homemade Rasmalai 秘製印度甜奶球
Samosa Chaat
秘製乳酪醬咖喱薯角配羅望子酸甜醬及薄荷醬
香脆嘅薯角加上羅望子酸甜醬、薄荷醬同乳酪醬，仲有印度菜不能缺少嘅鷹咀豆左為點綴，食落口感豐富同有層次，非常醒胃，係好好嘅前菜之選
CARAT Butter Chicken
馳名牛油蕃茄咖喱雞
以蕃茄作為咖喱嘅基底，所以味道偏甜，裏面仲加上忌廉，令口感更豐厚。醬汁仲帶有少少辣真係甜酸辣味都俱全，而雞都算嫩滑，但醃得比較鹹同濃味
Butter Naan
牛油烤餅
牛油烤餅一客有4塊，外貌光身，睇到就知牛油足料，入口非常香口，熱辣辣，非常好味
提提大家烤餅係有好多種唔同口味比大家選擇
- 廣告-
咖啡愛好者注意！100%原印尼咖啡『伯迪咖啡』讓你每天早上飲完全日好心情
Spaghetti Tortellini Pasta
意大利菠菜芝士雲吞 雜菌忌廉汁
唔好以為印度餐廳淨係印度菜先好食呀，佢呢道意大利菠菜芝士雲吞一啲都唔遜息嫁。佢係偏細嘅西式雲吞，外皮煙韌，餡料鹹度適中，再配合埋菠菜同雜菌忌廉汁，係傳統西餐嘅味道
Homemade Rasmalai
秘製印度甜奶球
小編都係第一次食印度嘅甜品，感覺上唔係每個人都接受嘅味道。秘製印度甜奶球嘅香草味偏重，而這種香草並唔係每個人都能夠接受到，不過想體驗下都可以一試。
去嘅朋友要留意呀，現場工作人員都係非本地人為主，不過佢地嘅職員好Nice，如何去到無乜頭緒食乜，可以請教一下現場職員，佢哋非常樂意為你介紹，話晒都唔係個個去到都諗到食乜好。
CARAT Fine Indian and Mediterranean Cuisine
尖沙咀寶勒巷6-8A號盈豐商業大廈4樓
Carat Fine Indian Cuisine
中環德己立街29號榮華大廈A座地下A號舖
