番茄忌廉湯配蒜茸包

番茄味唔太濃，幾清新嘅感覺，麵包粒令層次增加。一Set跟兩塊蒜蓉包，香脆之餘唔會好乾。

香煎慢煮牛板腱牛扒

牛扒主要分為三層，最上層牛扒肉質鮮嫩，切開呈現粉粉地色，中層為經醃製蔬菜，味道較濃，不過味道就未必個個都接受到喇。底層係薯蓉，質感香滑，奶未偏重，薯仔味較少。

黑椒蜜糖薯仔燴牛頰肉配珍珠飯

蜜糖薯仔外皮少脆，牛頰肉口感軟腍，非常入味，整體味道較鹹，餸菜汁多，必須配以飯一齊食。

Iced Fresh Fruit Tea 凍新鮮果茶

味道清新，唔會好甜，非常解渴

日本焙茶麻薯窩夫配酸忌廉豆乳雪糕

新鮮製造，製作時間耐，餐牌顯示要等20 分鐘，但小編就等左45分鐘有多。擺盤靚，窩夫外層唔太脆身，茶味少，入面只有少量麻薯，煙韌口感較少，不過豆乳雪糕令小編幾驚喜，豆乳味香濃，同窩夫都幾夾。