「OMG Mamaday」 惡搞二次創作café 大玩Crossover

「OMG Mamaday」 惡搞二次創作café 大玩Crossover

OMG Mamaday 非常鬼馬幽默，主要行惡搞二次創作路線，大玩Crossover，將中西食物合璧，造成文化衝擊。店內裝修乜都有啲，凌亂中有佢自己嘅秩序，只要係惡搞，有二次創作成份就有機會出現係OMG Mamaday 內。佢哋無論係食物上定視覺上都想造到有衝擊同吸引人嘅效果，所以佢地食物會造到豐盛澎湃嘅效果，亦會好好利用顏色配搭。

！！！！薯薯薯薯薯⋯ ⋯條 芝士粉 （細）

佢地分左三隻味，分別係原味、明太子同芝士粉。小編叫左芝士味細薯條，份量都幾多嫁，芝士味都幾香，夢條脆身，每一條薯條都沾有芝士粉真係好邪惡。

有蟹Go又有蟹肉的蟹蟹蟹意大利扁麵

賣相非常吸引，成座山滿瀉咁，扁麵周圍有蟹柳、蟹肉同蟹籽，上面仲有兩隻真蟹鉗。扁意粉口感偏硬，蟹柳、蟹肉、蟹膏同蟹籽都好多，食落啖啖蟹味，仲加入左少少洋蔥，令香氣增加，非常足料。

玫瑰山楂茶梳打飲左有助降血壓・天然紫薯唔太甜

玫瑰山楂茶梳打飲左有助降血壓

飲落比較普通，玫瑰山楂味唔太出，但用黎打卡都唔錯

天然紫薯唔太甜

紫薯味都幾香，奶味重，但混合後紫薯味唔算話好出，唔會好甜，不過泡比較多。如果食過濃味野之後飲味道就會偏淡。

蕎麥麵沾魚露 配美利堅合眾國草飼牛扒扒扒­­­­­

因為蕎麥麵無晒，所以佢地轉左烏冬，烏冬唔會煮到淋晒。佢地嘅沙律加入左藍莓同紅莓作為點綴，令沙律睇落色彩更繽紛，健康又美味。沙律菜同水果都好新鮮，配上日式芝麻醬一齊食，味道清新開胃。面頭仲加左蝦片，令整體睇落更豐盛。不過佢哋牛扒味道偏淡，咬落都幾硬下。

佢哋人流都幾多，建議大家早啲訂位，或者早啲去Walk-in。佢地有一部份係比訂枱客人，一部份係比Walk-in 客，而用餐時間為90分鐘，佢哋餐牌比較有創意，所以睇係需要啲時間嘅，大家可以留意一下，做定功課先喇。

 

資料來源： https://www.facebook.com/mmd.mamaday

地址： 尖沙咀加連威老道29號信基商業中心2樓

銅鑼灣霎西街28號必發大廈1樓